كل ما تريد معرفته عن الشبلونه و اعاده تصنيع الايسيهات

[ahmed88872]

النهارده بقي معانا موضوع كثر الكلام عليه و الاستفسار عنه

هنتكلم عنه و هنشرحه باكتر من طريقه و يارب نوفق في الشرح

موضوع خاص بالشبلونه و كيفيه استخدامها

ان شاء الله ده هيكون مرجع اساسي لمعلوماتك عن الشبلونه و اعاده شبلنه الايسيهات

و هنتكلم عن الاتي ؟

يعني ايه شبلونه ؟؟

و اهميتها ؟؟؟؟

و كيفيه العمل عليها ؟؟؟

اخطا يجب ان نتفادها ؟

نبدا علي بركه الله

اولا : يعني ايه شبلونه ؟؟؟؟

طبعا الاسم ده اللي بيطلق عليها هنا في مصر عندنا و الله اعلم في دول تانيه ليها نفس الاسم او غيره

في شغلنا في الصيانه الشبلونه ديه عباره عن لوحه معدنيه مفرغه تبعا لرجول و نقاط الايسيهات باشكالها بتساعدنا علي زرع رجول الايسي علشان نضمن انه يركب بسهوله معانا

كده تقريبا فهمنا بس نوضح تاني

بيبقي كانه جديد و جاهز للتركيب

يعني الرجول مش ممسوحه و مش هتتعبنا و احنا بنركبه
يعني الناتيج هيكون بالشكل ده

شكل(1)

طيب عاوزين نشتغل بقي و نعرف شكل الشبلونه ديه ايه

ملحوظه : كل الادوات اللي هنذكرها متوفره في السوق

ده شكل الشبلونه اللي هنشتغل عليها

طبعا و اضح في الصوره اول مكوناتها لوحه معدنيه اللي هتبقي ماسك للايسي و علبه
قصدير كرات او قصدير سائل

شكل (2)

و بيركب عليها بقي لوحه معدنيه مرنه و مفرغه علي شكل الايسي

يعني هنلاقي مثلا حوالي 5 او 6 الواح كلهم بجميع اشكال و احجام الايسيهات

و شكلها كالاتي :

شكل (3)

طيب كده تمام شوفنا شكلها و عرفنا ايه هي الشبلونه

طيب نشتغل عليها اذاي بقي ده المهم

تمام هقولك تشتغل عليها اذاي الموضوع بسيط جدا جدا

الاول طبعا هنرفع الايسي اللي عاوزين نشبلنه و نعيد تصنيعه من الجهاز
و نضعه علي اللوحه المعدنيه الخاصه بتثبيت الايسي و هتكون بالشكل ده

شكل (4)

لحد كده تمام ..................... يبقي تمام

من اول هنا بقي مرحله دقيقه جدا جدا

نلاحظ بعد رفع الايسي الرجول كلها لازم تبقي لونها فضي علشان تبقي قابله للقصدره

او اعاده البناء يعني لو لقينا رجول بالشكل ده
( لو الايسي رجوله بحاله جيده نتجاوز المرحله ديه )

لازم طبعا نعالج ده الاول قبل ما نبدا نشبلن طيب اذاي بقي نعالجه ؟؟؟؟

هقولك انا ده يتعالج بالتمشيط بالكاويه او سحب القصدير بواسطه
الشيلد ؟؟؟ ذي كده

الشكل (6)

طيب و بعد كده هتلاقي الايسي كل رجوله فضيه و متشابهه و قمنا
بتنظيفه جيدا

ده كله طبعا علشان تبقي عمليه الشبلنه مضمونه و ناجحه

طيب تما م كده و الايسي تمام و ظبطنا رجوله

اللي بعده بقي اننا نضع الرقائق المعدنيه الخاصه بالايسي من فوق

بالشكل ده

المرحله التاليه بقي

عاوزين نزرع الرجول او بمعني علمي نعملها عمليه اعاده تصنيع resolding

بعد تركيب الجزء العلوي نبدا نساوي فتحات الشبلونه علي الايسي المراد شبلنته

حتي تتساوي الفتحات بالايسي

دلوقتي بقي نبدا بتزويد الفلاكس للحفاظ علي الايسي من التلف و ضمان عدم
تبلور القصدير

و بعدين نستخدم بقي القصدير السائل او الكرات مش هتفرق

بس يفضل الكرات

و بعد تزويد القصدير نسخن عليه طبعا هينزل في الفتحات فوق الايسي

و تاخد الشكل النهائي بالشكل ده

كده بقي جاهز علي التركيب و تمام التمام ...

طيب س : هل العمليه بتاعه الشبلنه في كل الايسيهات خطواتها و احده و لا في اختلاف ؟؟؟

يعني شبلنه الريتو ذي الافيلما ذي الاوماب ذي الكريستاله حتي ....؟؟؟

الاجابه : طبعا و احده نفس الخطوات ذي عمليه الفك هل بيختلف فك و تركيب ايسي عن ايسي

طبعا لا نفس الكلام موضوع الشبلنه

طيب انا حاسس ان كده تمام و المعلومه و صلت و الحمد لله

ارجو ان اكون قد و فقت في ايصال معلومه اليكم حتي و لو كانت مكرره

و مرفق اليكم فيديو توضيحي لعمليه الشبلنه كمان

اتمم جميلك علينا وقل لنا من اين نشترى الشبلونة
لانى بحثت عنها فى ش العطار ولم اجدها

[kohlr2002]

اي حد بيبع قطع غيار هتلاقي عنده الشبلونه

[معتز ودتوتي]

شكرا جزيلا تسلم ياغالي ربنا يبارك فيك

[محمود رحيم]

بارك الله فيك

[koraiem]

موضوووووووووع هايل من شخص رائع الله يباركلك

[lamsa-phone]

شكراااااااااااااااااااااااااااااااااااااااااااااااااااا جزاك الله كل خير

[ahmededress11]

مشكوووور كتير اخى

[MHASEB ABO NOUR]

تسلم ايدك يافنان

[البلتاجي]

الله ينورررررررررررررررررررررررررررررررررررررررررررررررررررررررررررررر

[rs2667]

رررااااائئئعععععععععع أخي بارك الله فيك ورزقك وأهلك فسيح جناته