السلام عليكم ورحمة الله وبركاته
معانا النهارده تجربه مش هنقول فاشله ولكن مفيده جدا وتحذير مهم وعملي للشغل في فئة معينه من المعالجات
الجهاز realme 5 RMX1911
العيب الذاكرة تالفة العمر bad health
العمل
اولا انا كنت تعبان من فترة والحمد لله احسن كتير فكنت مش ببقي موجود الفترة اللي فاتت في المحل باستمرار فكان المهندس اللي شغال معايا هو الي متولي الامور ( كان لازم التنبيه ده ضروري )
بدأ التعامل والكشف عن الذاكرة وهي من نوع سامسونج والمعالج كوالكم
وللي مايعرش ذواكر سامسونج لا تقبل التقسيم من فاينال رايت ولازم عمل ابديت فرموير للذاكرة
وبما ان المعالج كواكلم الجهاز بعد سحب الفرميور الخاص بيه واعادة كتابته مرة اخري تم تصليح الذاكرة بالفعل ولا ايضا تم مسح قطاع ال RPMB وهنا المشكلة
الجهاز رجعناله الدامب الخاص بيه لأن الجهاز كان شغال بالاساس يعني الدامب مسحوب والجهاز يعمل
وطبعا الجهاز يعتبر في حالة الميت مع انه بيسحب شحن انه فتح ولاكن لا توجد بيانات علي الشاشه وهنا المشكلة
العيب الجهاز يعتبر فاصل
الاسباب
معالجات كوالكم ذات الحمايات الحديثة مفعل فيها حماية ال RPMB ولازم كتابته مرة اخري مع المفتاح الخاص بيه لأعادة البرمجه مرة اخري وعمل الهاتف
الحلول البديله متوفره في فلاشات الانجنير مثل اجهزة شاومي واخذ ملف DevCfg وكتابته ويتخطي الجهاز هذه الحماية ويعمل مرة اخري ولكن في الحالة اللي معانا هنا مفيش ملفات مشابهه مصنعيه لكتابتها للجهاز وتخطي الحماية وبعد عدة محاولات مختلفة جاري التفليش اونلاين والتأكد من صحة الفكرة ان التفليش الاونلاين ممكن يحل المشكلة او لا
وتم شراء بردة اخري للعميل وشكرا جدا لحبيبي وصديقي احمد ظريف وفرلي البرده
البوست للتحذير الواجب عليه ليكم زي ما بديكم تجارب ناجحة لازم نستفيد كلنا من التجارب الغير ناجحة لعدم التكرار والمساعدة في البحث والتطوير وايجاد حلول جديدة
جاري العمل علي الحل وبإذن الله يهدينا السبيل
أراكم في تجارب اخري ممتعه
في رعاية الله وأمنه
شكراً جزيلاً للمهندس حسام تورنيدو
منقول للافادة
المفضلات